IMPORTANCE OF EDUCATION--------- ﺗﻌﻠﯿﻢ ﮐﯽ ﺍﮨﻤﯿﺖ ﺳﮯ ﺍﻧﮑﺎﺭ ﻣﻤﮑﻦ ﻧﮩﯿﮟ۔ ﯾﻮﺭﭖ ﻣﯿﮟ ﺍﻋﻠﯽٰ ﺗﻌﻠﯿﻢ ﮐﺎ ﭘﮩﻼ ﺍﺩﺍﺭﮦ ﺗﻮ ﺍﻓﻼﻃﻮﻥ ﻧﮯ ﯾﻮﻧﺎﻥ ﻣﯿﮟ ﻗﺎﺋﻢ ﮐﯿﺎ ﺗﮭﺎ ﻟﯿﮑﻦ ﺑﻌﺪ ﻣﯿﮟ 330 ﻗﺒﻞ ﻣﺴﯿﺢ ﻣﯿﮟ ﻣﺼﺮ ﮐﺎ ﺷﮩﺮ ﺳﮑﻨﺪﺭﯾﮧ ﻭﺟﻮﺩ ﻣﯿﮟ ﺁﻧﮯ ﮐﮯ ﺑﻌﺪ ﺩﺭﺱ ﻭ ﺗﺪﺭﯾﺲ ﮐﺎ ﻣﺮﮐﺰ ﺑﻦ ﮔﯿﺎ ﺍﻭﺭ ﺍﺱ ﮐﻮ Intellectual Cradle ﮐﮩﺎ ﺟﺎﻧﮯ ﻟﮕﺎ۔ ﺍﻧﺴﺎﻧﯿﺖ ﮐﯿﻠﺌﮯ ﺗﻌﻠﯿﻢ ﮐﯽ ﺍﮨﻤﯿﺖ ﮐﺎ ﺍﻧﺪﺍﺯﮦ ﺍﺱ ﺑﺎﺕ ﺳﮯ ﺑﮭﯽ ﻟﮕﺎﯾﺎ ﺟﺎ ﺳﮑﺘﺎ ﮨﮯ ﮐﮧ ﻧﺒﯽ ﮐﺮﯾﻢؐ ﭘﺮ ﺍﻟﻠﮧ ﮐﯽ ﻃﺮﻑ ﺳﮯ ﺟﺲ ﭘﮩﻠﯽ ﺁﯾﺖ ﮐﺎ ﻧﺰﻭﻝ ﮨُﻮﺍ ﺍﺳﮑﯽ ﺍﺑﺘﺪﺍ ﺑﮭﯽ ’’ ﺍﻗﺮﺍ‘‘ ﯾﻌﻨﯽ ﭘﮍﮪ ﻟﻔﻆ ﺳﮯ ﮨﻮﺋﯽ۔ ﯾﮧ ﺑﺎﻟﮑﻞ ﭨﮭﯿﮏ ﺑﺎﺕ ﮨﮯ ﮐﮧ ﺗﻌﻠﯿﻢ ﮐﺎ ﺑﻨﯿﺎﺩﯼ ﻣﻘﺼﺪ ﻣﻌﺮﻓﺖِ ﺫﺍﺕ ﮨﮯ ﯾﮧ ﺍﻧﺴﺎﻥ ﺍﻭﺭ ﺍﺱ ﮐﯽ ﺫﺍﺕ ﮐﮯ ﺩﺭﻣﯿﺎﻥ ﺍﯾﺴﺎ ﭘُﻞ ﮨﮯ ﺟﺲ ﮐﮯ ﻗﺎﺋﻢ ﮨﻮﻧﮯ ﺳﮯ ﺍﻧﺴﺎﻥ ﮐﯽ ﺷﺨﺼﯿﺖ ﮐﯽ ﺗﺠﺪﯾﺪ ﺍﻭﺭ ﻧﮑﮭﺎﺭ ﮐﺎ ﻋﻤﻞ ﺷﺮﻭﻉ ﮨﻮ ﺟﺎﺗﺎ ﮨﮯ ﺍﻭﺭ ﭘﮭﺮ ﺍﻧﺴﺎﻥ ﮐﯽ ﺷﺨﺼﯿﺖ ﺭﻭﺣﺎﻧﯿﺖ ﮐﯽ ﻣﻨﺎﺯﻝ ﻃﮯ ﮐﺮﻧﺎ ﺷﺮﻭﻉ ﮐﺮ ﺩﯾﺘﯽ ﮨﮯ ﭼﻮﻧﮑﮧ ﺍﻟﻠﮧ ﺗﻌﺎﻟﯽٰ ﻧﮯ ﻓﺮﻣﺎﯾﺎ ﮐﮧ ﺟﺲ ﻧﮯ ﺍﭘﻨﮯ ﻧﻔﺲ ﮐﻮ ﭘﮩﭽﺎﻧﺎ ﺍﺱ ﻧﮯ ﺍﭘﻨﮯ ﺭﺏّ ﮐﻮ ﭘﮩﭽﺎﻧﺎ۔ ﺍﯾﮏ ﺑﺸﺮ ﺟﺐ ﺗﻌﻠﯿﻢ ﮐﮯ ﺯﯾﻮﺭ ﺳﮯ ﺁﺭﺍﺳﺘﮧ ﮨﻮ ﮐﺮ ﺧﻮﺩﮔﺮ ﺍﻭﺭ ﺧﻮﺩ ﮔﯿﺮ ﺷﺨﺼﯿﺖ ﮐﺎ ﺣﺎﻣﻞ ﮨﻮ ﺟﺎﺗﺎ ﮨﮯ ﺗﻮ ﭘﮭﺮ ﺍﺳﮑﯽ ﻣﺎﺣﻮﻝ ﺳﮯ ﻣﮑﺎﻟﻤﮯ ﮐﯽ ﺭﺍﮦ ﺑﮭﯽ ﮨﻤﻮﺍﺭ ﮨﻮ ﺟﺎﺗﯽ ﮨﮯ۔ ﺍﺳﮑﮯ ﺑﻌﺪ ﺍﻧﺴﺎﻥ ﺗﺨﻠﯿﻖ ﻭ ﺗﺠﺪﯾﺪ ﮐﺎ ﺍﯾﮏ ﻗﺎﺑﻞ ﻓﺨﺮ ﺳﺮﭼﺸﻤﮧ ﺑﮭﯽ ﺑﻦ ﮐﺮ ﺍُﺑﮭﺮ ﺳﮑﺘﺎ ﮨﮯ۔ ﺍﯾﺴﮯ ﺗﻌﻠﯿﻢ ﯾﺎﻓﺘﮧ ﺍﻓﺮﺍﺩ ﻣﮩﺬﺏ ﻣﻌﺎﺷﺮﻭﮞ ﮐﻮ ﺟﻨﻢ ﺩﯾﺘﮯ ﮨﯿﮟ ﺍﻭﺭ ﭘﮭﺮ ﭘﮍﮬﮯ ﻟﮑﮭﮯ ﻣﻌﺎﺷﺮﻭﮞ ﮐﮯ ﮔﻠﺴﺘﺎﻥ ﻣﯿﮟ ﺍﻣﺎﻡ ﻏﺰﺍﻟﯽ، ﻋﻼﻣﮧ ﺍﻗﺒﺎﻝ ﺍﻭﺭ ﺁﺋﻦ ﺳﭩﺎﺋﻦ ﺟﯿﺴﮯ ﭘُﺮﻣﮩﮏ ﭘﮭﻮﻝ ﮐﮭﻠﺘﮯ ﮨﯿﮟ۔ ﺍﻓﺮﺍﺩ ﮨﯽ ﭼﻮﻧﮑﮧ ﺯﻣﺎﻧﻮﮞ ﮐﮯ ﻧﻤﺎﺋﻨﺪﮮ ﮨﻮﺗﮯ ﮨﯿﮟ ﺍﺱ ﻟﺌﮯ ﺟﻦ ﻣﻌﺎﺷﺮﻭﮞ ﻣﯿﮟ ﻣﺬﮐﻮﺭﮦ ﺑﺎﻻ ﺩﺍﻧﺸﻮﺭ، ﻣﺤﻘﻖ ﺍﻭﺭ ﻣﺪﺑﺮ ﺍﺑﮭﺮ ﮐﺮ ﺳﺎﻣﻨﮯ ﻧﮩﯿﮟ ﺁﺗﮯ ﻭﮦ ﻣﻌﺎﺷﺮﮮ ﺟﻤﻮﺩ ﮐﺎ ﺷﮑﺎﺭ ﮨﻮ ﺟﺎﺗﮯ ﮨﯿﮟ۔ ﺗﻌﻠﯿﻢ ﯾﺎﻓﺘﮧ ﻣﻌﺎﺷﺮﻭﮞ ﻣﯿﮟ ﺍﻓﺮﺍﺩ ﮐﯽ ﻗﺪﺭﺗﯽ ﺣﺲِ ﺍﺧﻼﻕ ﺣُﺴﻦِ ﺍﺧﻼﻕ ﻣﯿﮟ ﺗﺒﺪﯾﻞ ﮨﻮ ﺟﺎﺗﯽ ﮨﮯ۔ ﻋﻘﯿﺪﮦ، ﯾﻘﯿﻦ، ﻣﻘﺼﺪﯾﺖ ﺍﻭﺭ ﭘﮩﻞ ﮐﺮﻧﮯ ﮐﯽ ﺍﮨﻤﯿﺖ ﺍﯾﺴﮯ ﺍﻋﻠﯽٰ ﺍﻭﺻﺎﻑ ﮨﯿﮟ ﺟﻮ ﺗﻌﻠﯿﻢ ﯾﺎﻓﺘﮧ ﺍﻓﺮﺍﺩ ﮐﯽ ﺯﻧﺪﮔﯽ ﮐﻮ ﺑﺎﻣﻌﻨﯽ ﺍﻭﺭ ﺗﺨﻠﯿﻘﯽ ﺑﻨﺎ ﺩﯾﺘﮯ ﮨﯿﮟ۔ ﻣﻠﯽ ﻧﻈﺎﻡِ ﺗﻌﻠﯿﻢ ﮐﺎ ﺩﻭﺳﺮﺍ ﻣﻘﺼﺪ ﯾﮧ ﮨﻮﻧﺎ ﭼﺎﮨﺌﮯ ﮐﮧ ﮨﻢ ﺍﭘﻨﮯ ﺗﮩﺬﯾﺒﯽ ﻭﺭﺛﮯ، ﻋﻠﻤﯽ ﺭﻭﺍﯾﺎﺕ، ﺛﻘﺎﻓﺘﯽ ﺯﯾﻮﺭ ﺍﻭﺭ ﺍﻋﻠﯽٰ ﺍﻗﺪﺍﺭ ﮐﻮ ﻧﮧ ﺻﺮﻑ ﺳﻨﺒﮭﺎﻝ ﮐﺮ ﺍُﻥ ﺳﮯ ﻣﺴﺘﻔﯿﺪ ﮨﻮﮞ ﺑﻠﮑﮧ ﺍُﻥ ﮐﺎ ﺍﯾﮏ ﺗﻨﻘﯿﺪﯼ ﺟﺎﺋﺰﮦ ﻟﯿﮑﺮ ﺍُﻥ ﻣﯿﮟ ﺑﺪﻟﺘﮯ ﮨﻮﺋﮯ ﻣﺎﺣﻮﻝ ﺍﻭﺭ ﺣﺎﻻﺕ ﮐﮯ ﻣﻄﺎﺑﻖ ﻧﺌﮯ ﺭﻧﮓ ﺑﮭﯽ ﺑﮭﺮﯾﮟ ﺗﺨﻠﯿﻘﯽ ﺗﻌﻤﯿﺮ ﻧﻮ ﮐﺎ ﯾﮧ ﻋﻤﻞ ﺑﮩﺖ ﺿﺮﻭﺭﯼ ﮨﮯ۔-----------------------------------------